Controllable-pitch (CP) propeller ဝင်ရိုးတွင် စက်ပစ္စည်းများ ဖြင့်သော်၎င်း၊ ဟိုက်ဒရောလစ် ဖြင့်သော်၎င်း ပန်ကာရွက်များကို hub တွင် လှည့်နိုင်ရန် စီစဉ်၍ တပ်ဆင်ထားပါသည်။ ပန်ကာရွက် လှည့်နိုင်ရန် အတွက် hub ထဲတွင် စက်ယန္တရား(သို့) ဟိုက်ဒရောလစ်စနစ်၏ အစိတ်အပိုင်းများကို ထည့်သွင်း တပ်ဆင်ထားပါသည်။ ထို့ကြောင့် CPP ပန်ကာသည် FPP ပန်ကာထက် ပိုမိုပြီး ခက်ခဲ ရှုပ်ထွေးပါတယ်။ CPP ပန်ကာ၏ pitch ကို အင်ဂျင် ထိန်းသိမ်းမှု အခန်းမှ သော်၎င်း၊ သင်္ဘော၏ ကွပ်ကဲစင် မှသော်၎င်း ပန်ကာ လည်ပတ်နေစဉ်မှာပင် ကြိုက်သည့် အချိန်တွင် ပြောင်းလဲနိုင်သည်။ လိုအပ်သော တွန်းကန်မှုအားနှင့် စွမ်းအားကို ပန်ကာရွက်၏ အနေအထားအား ပြောင်းလဲခြင်းဖြင့် ရရှိပါသည်။ CPP ပန်ကာသည် သင်္ဘော၏ဝင်ရိုး လည်ပတ်မှု ဦးတည်ရာဘက်ကို ပြောင်းလဲရန် မလိုဘဲ ပန်ကာရွက်၏ အနေအထားအား (pitch) ပြောင်းလဲခြင်းဖြင့် သင်္ဘော၏ ရှေးရှုရာ လမ်းကြောင်းကို ပြောင်းလဲ နိုင်ပါသည်။ ဤအကြောင်းကြောင့် ကိုင်တွယ်ထိန်းသိမ်းမှု တိုးတက်ကောင်းမွန်ကာ စက်၏ စွမ်းဆောင်ရည် တိုးတက် လာပါသည်။ CPP ပန်ကာ၏ တစ်ပန်းသာမှု - သင်္ဘော၏ အမြန်နှုန်းမျိုးစုံဖြင့်သာမက အလွန်နှေးသော အမြန်နှုန်းတွင်ပါ စွမ်းအားဆုံးရှုံးမှု
Rudder propellers တက်မ ပန်ကာများ၏ အဓိက ထူးခြားသော လက္ခဏာမှာ တက်မကဲ့သို့ ပတ်ချာလည် လှည့်ပတ်နိုင်သော စွမ်းရည် ရှိခြင်းပင် ဖြစ်သည်။ ထို့ကြောင့် ပန်ကာ မလိုအပ်တော့ပါ။ တက်မ ပန်ကာများကို 'azimuthing thrusters' ဟုလည်း ခေါ်ဆိုသည်။ non-ducted or ducted ပန်ကာအဖြင့် ရှိနိုင်ပါသည်။ ထို့အပြင် pusher or tractor အမျိုးအစား အဖြစ်လည်း ခွဲခြား သတ်မှတ်နိုင်ပါသည်။ ၎င်းပန်ကာသည် တက်မ ရှိသော FPP ပန်ကာထက် ကိုင်တွယ် ထိန်းသိမ်းမောင်းနှင်မှု ပိုမို ကောင်းမွန်ပါသည်။ လွတ်လပ်စွာ လည်ပတ်နိုင်စွမ်း ရစေရန် ရေအောက်ရှိ ဂီယာဘောက်ကို ထောင်လိုက် ဝင်ရိုးဖြင့် လည်ပတ် စေသည်။ ရေအောက်ရှိ စက်အုံတွင် လျှပ်စစ်နှင့် မောင်းနှင်သော မော်တာ၏ ဝင်ရိုးတွင် ပန်ကာ တပ်ဆင် ထားသော အမျိုးအစား များလည်း ရှိပါသည်။ တက်မ ပန်ကာများသည် ပုံစံမျိုးစုံရှိပါသည်။ ၁။ စက်အစိတ်အပိုင်းများနှင့် ဖွဲ့စည်းတည်ဆောက်ထားသော ပုံသေတပ်ဆင်ထားသည့် အမျိုးအစား။ ၎င်းအမျိုးအစား ပန်ကာများတွင် ပန်ကာ နစ်မြုပ်မှု အနေအထားကို ပြုပြင်နိုင်သော စနစ်တပ်ဆင် ထားနိုင်သည်။ ထို့ကြောင့် သင်္ဘော ဝန်အပြည့် မသယ်ဆောင်ချိန်တွင် ရေစူး ရရှိရန် သင်္ဘောအတွင်း ရေဖြည့်စရာ မလိုဘဲ လုံလောက်သော တွန်း